Vellesetra - 408 m.o.h

Dette er ein flott og variert tur midt i hjartet av Sunnmørsalpane. Du går på grusveg nesten heilt opp til Vellesetra. Jamn stigning heile vegen. Passar godt som trimtur ettermiddag eller ilag med dei minste.

Foto av Vellesetra: Line Hårklau/DNT

Start på grusveg ved Brunstad kraftstasjon. Følg skilt til Vellesetra. Vegen går nesten heilt opp til Vellesetra. Siste 200 m er på sti. Du kan altså kome deg nesten til setra med barnevogn eller elektrisk rullestol m/ledsager. Nokre stadar deler vegen seg; hald til høgre. Nokre kneiker er og litt bratte.

Frå Vellesetra er det god sti vidare framover Velleseterdalen.

I Velledalen (Sykkylven kommune) tek du av frå Fv 60 ved skilt merka ”Brunstad”. Du kjem inn på gamlevegen. Etter 100 m tek du skarpt til venstre ved ein gamal fabrikk. Følg vegen vidare til du kjem til eit kryss der du ser eit tømmerhus med torvtak. Ta av og køyr forbi dette huset (huset ligg då på høgre side av vegen). Du kjem inn på grusveg som du følger vidare til Brunstad kraftverk. Her er det god plass å parkere. Du skal følge grusveg på høgre side av elva (sjå skilt) .