Skogsveg på Sørsylte

Ein lett og fin familietur på skogsveg med gapahuk der det er fint å legge inn matpause. I skogen rundt gapahuken er det plassert ut fleire motiv frå eventyr måla på skiferheller, små figurar og troll.

Frå parkeringsplassen går du tilbake eit stykke på vegen du kom. Gå over brua og følg vegen rett fram, etter eit lite stykke kjem du til gapahuken. Rundt den finn du små troll rundt om i skogen. For å kome til turkassa går du vidare opp til høgre. Følg vegen. Turkassa er midt i rundløypa. Løypa tek deg frå turkassa og tilbake til gapahuken.