Sandvikhornet frå Løset

Frå Sandvikhornet har du fantastisk fin utsikt! Du ser store delar av Sunnmøre, fire fergestrekningar og du ser rett ned i Storfjorden. I denne turomtalen går ruta frå Løset. Den vanlegaste vegen er å starte frå Hjellane og gå via Vassætra eller Storevarden. Turomtale av den ruta finn du i lenka "Sunnmøres små og store fjellturer".

Frå parkeringsplassen går du over ferista og omlag 50 m vidare. Her finn du ein gamal kjerreveg på venstre side av vegen. Denne skal du følge gjennom ei grind, på sti over ei mark og på oppsida av ei løde. Du skal gjennom ei ny grind, krysse ei nylaga skogsveg og så er du inne på stien. Følg stien til du kjem opp på ei høgde like før Løsetvatnet. Her deler stien seg. Du skal ta stien som går til venstre. Du ser no Sandvikhornet opp til venstre (mot nordvest). Følg stien vidare. Det er tydeleg sti til like før toppen. Då er han utydeleg eit lite stykke, men du ser kvar du skal så det er berre å sjå seg ut beste vegvalet. På Sandvikhornet kan du registrere deg i http://www.gjesteboka.no. Hugs å laste ned app-en på førehand.