Dalselva, Rypdal i Tresfjord

Denne turen langs Dalselva er ein tur dei aller fleste kan gå.  Det er god veg på heile turen.  Flott tur som går på begge sider av elva.  Fint også for dei som er avhengig av rullestol, og dei som vil ta turen med barnevogn.  Dalselva er ein del av Tresfjords største elv, Tressa.  

Turen starter ved bedehuset.  Gå bilvegen som tar av til høgre ved bedehuset.  Du tar av til venstre litt etter brua som går over Dalselva.  Deretter går du på ein grusveg som går stort sett paralelt med elva.  Det er eit par grinder du må åpne.  Når du kjem til neste bru over elva går du over den, og tar grusvegen til høgre rett etter brua.  Då går du ein halv kilometer til du kjem til ei turkasse og ein kvilebenk.  Då er turen halvveis.  Du må naturligvis tilbake der du kom frå. Greiast å gå tilbake  same vegen som du kom.  

Det er god plass til parkering ved Rypdal bedehus.  Du kjem til Rypdal ved å ta av hovedvegen gjennom bygda der det er skilta med "Øvstedal".  Ikkje langt ifrå Tresfjord kyrkje.  Du køyrer ca. tre kilometer opp gjennom bygda til du kjem til eit kvitmåla bedehus på høgre side.  Parkeringsplassen er på venstre sida.  Ta ein titt på informasjonstavla ved parkeringsplassen.  Parkeringa er gratis.  Trasèen er merka med blå maling.